7-4 REMONTADA HISTÓRICA!!!

Pois aínda que o horario era malo e que comezamos perdendo 0 a 3 acadamos unha vitoria xusta e merecida. Así aos 10 minutos o naranjitos xa nos marcara 3 goles, todos eles disparos dende fóra do área que tiveron a inestimábel colaboración dun porteiro de circunstancias, o que escribe, que verdadeiramente "comeuse" os balóns por estar frío e descolocado neses intres. Con ese resultado o equipo lonxe de desmoralizarse foi cara arriba con máis ímpetu conseguindo darlle a volta ao marcador antes de rematar a primeira parte cos 2 goles de Kabe e os 2 goles de Isaac poñendo no marcador o 4 a 3. Pero antes de rematar a primeira parte o Naranjitos acadaría empatar o partido, tras unha recuperación no medio campo e unha xogada rápida batirían ao porteiro local por baixo, poñendo no taboleiro o 4 a 4 co que se iría ao tempo de lecer.

A segunda parte comezou co equipo volcado cara a portería contraría e co equipo visitante presionando a saída do balón, ao igual que comezara a primeira parte, pero non acadarían premio algún. O equipo ben posicionado acadaría 3 goles máis, obra de Lareo, Jesús e Isaac conseguindo que o equipo visitante apenas inquedara a portería celeste. Asi, despois da mala primeira volta seguimos afrontando con maior optimismo a segunda volta, da que lonxe dos postos de ascenso e derrotados abultadamente polos segundos, só nos queda pelexar por rematar no posto máis digno que poidamos.