M.A.Lareo Osteopatia-A.F. 1- Terranova-Long Drink Bar 2

M.A.Lareo Osteopatia-A.F. 1- Terranova-Long Drink Bar 2 Hai dias nos que fagas o que fagas o destino non se pode trocar....! Onte chegou a primeira derrota do A.F. ante un equipo que se presentou en Samil con 7 xogadores e as ideas moi craras. Nós en troques fomos 14 e non soubemos como derrubar a muralla que plantaron ante a súa meta... A primeira parte comezou co equipo lanzado sobre a meta rival con moita intención pero sen ocasións craras. Pronto comezaron a chegar estas ainda que entre o porteiro e a defensa desbarataron as ocasións. Así cando os rivais a mediados da primeira parte quedaron con 6 xogadores, descoñecemos que pasou, o equipo celeste peor o fixo. As precipitacións comezaron a ser constantes e nun balón despexado polo equipo visitante rematou en gol, tras roubarlle o seu dianteiro a carteira aos dous centrais, despois dun mal deaspexe e unha mala cesión. Un erro aos que non estamos acostumados pero que non sería o derradeiro do encontro. Así na segunda parte e tras errar algunhas ocasións acadamos empatar de falta pero, cando o equipo estaba volcado na vitoria, unha contra interceptada, en primeira instancia, remataría en gol tras roubarlle a carteira á nosa defensa dentro do área. Así chegariase ao final co resultado de 2 a 1, onde un equipo con 4 ocasións tivo a máxima efectividade e onde 2 erros marcaron o traballo dunha defensa que, en xeral, estivo magnífica. O fútbol é así, agora toca reflexionar de cara ao vindeiro rival que polo visto hoxe non vai ser doado!