Outra vez no dique seco!!!

Cafetaría RECA-A.F. 3 - B.Administradores 3

Pois unha vez máis, non sabemos plasmar o noso dominio e aproveitar as nosas ocasións e sacamos un novo empate.
As condicións eran complicadas, sobre todo polo vento que se levantou pouco antes de comezar o partido, máis con elo os celestes conseguían combinar e chegar con perigo ao área. Máis os numerosos tiros remataban fóra por malos golpeos provocados polo vento ou no corpo dos rivais. Así, en dúas perdidas de balón no campo local remataron en contras que remataron en goles, co que o rival sacaba máxima rendabilidade ás súas ocasións, dous goles de dúas ocasións. O equipo continuou atacando máis non conseguiu atinar dentro da portería... así chegaría o tempo de lecer co resultado de 0 a 2.
Como noutras ocasións o RECA tivo que saír a remontar e pronto acadaría o empate con goles de Jesús e Isaac. O equipo puido poñerse por diante en varias ocasións, aínda que o rival tivo un par de contras moi perigosas que a defensa local puido desbaratar. Así chegaría o minuto tráxico, na que o equipo local chega con dous homes o área visitante, o atacante penetra pola esquerda e en lugar de pasar tira, petando o balón no porteiro, o rexeite queda en terra de ninguén e o xogador que viña pola dereita chega a rematar forzadamente pero o cancerbeiro visitante chega ao mesmo tempo. Desta xogada sae a contra que poría o 2 a 3, polo que tocaba remar contra vento e marea e pouco despois Isaac de falta acadaría o definitivo empate a 3. Os locais buscaron sen éxito acadar a segunda vitoria consecutiva, e para elo tiveron a última gran ocasión do partido, onde o dianteiro celeste non atinaría a empurrar un bo pase horizontal a portería baleira.
Con todo, o equipo segue dando pasos de formiga na clasificación e non pode aproveitar a gran igualdade clasificatoría dos rivais para saír dos postos comprometidos. Seguimos a 3 puntos do derradeiro posto e a esperar resultados para saber se estamos fóra dos postos de descenso. Esperemos voltar a senda da vitoria no próximo encontro.
A seguir os resultados da xornada: