Dura derrota por 5 a 2!!!!

Onte saímos coa ilusión de poder trocar a sorte do partido anterior no que pese a xogar ben saímos derrotados. Pois non só non puido ser senón que saímos goleados.

O partido comezou co equipo ben plantado no terreo de xogo e levando o peso do encontro ainda que co rival amosando as súas armas, balóns longos e contraataques rápidos cuns puntas moi rápidos. Así chegaría o primeiro gol celeste, despois dunha xogada moi elaborada que remata en liña de gol o noso extremo Jorge Hernández. Máis a ledicia durou pouco xa que ao minuto seguinte empataron os rivais e co equipo descentrado con tan rápido golpe en pouco tempo os vermellos aumentaron a súa vantaxe ata o 3 a 1 co que se chegaría ao descanso.

Á volta do descanso os celestes saíron volcados en prol de acadar, como mínimo, un empate máis sendas contras remataron coas nosas ilusións dun xeito moi rápido. Con todo o equipo tirou de orgullo e pelexou por recurtar distancias ao máximo máis só acadaría un gol máis. Así chegaríase ao final cunha dura derrota por cinco a dous.

Isto trasládanos a unha realidade que non esperabamos, polo que se queremos pelexar polo ascenso temos que traballar moito máis, sobre todo en defensa, no que regalamos moito, ou demasiado segundo se vexa...